كتام الهموم الماقنت من وجعة
شقاق الدروب المابعرف الرجعة
كيف شامخ الجبال يخشي ويخاف الوقعة
كيف النيل يصد تياره ياخد رجعة
الجابرة بتشيل لابتشكي خوف لادمعة
لوكانت هموم الدنيا جات مجتمعة
الوابل الهتون الماهو نقطة وجرعة
في عز الضراع في النترة او في الهنعة
بترز الرعود براقها يأخذ شلعة
يابشارة الخريف الليلة سرحة ورتعة
أشبال الهصور النخوة فيهن طبعة
ماهن زيف ولادة وفايتة فيهن رضعة
اللبوة بتزيد الرضعة فوق الشبعة
في العز والنعيم كيفن تجيهن خلعة
الراي والفهم ماهن تجارة وسلعة
ماهن طول لسان لازيف كلام في جمعة
لقمان الحكيم لو لينا ما زاد نفعة
وقف يازمان رجع عقول مندفعة
الزول العزيز بي عزو ياخد لمعة
والحاقد يخون في نفسو غير مايوعي
الدايرة بتدور يادنيا عيشتك خدعة
قلبت الإمور والقسمة زي القرعة
