الصدفة يوليو 2003
[ في يوم الخميس بالصدفة جاتنا براها
بالـذوق الجميل تفـرح قـلـوبناعسـاها
نايرات الخـدود جــل الخلـق سواها
هــاكم دا الوصف لازيادة لا نقصـاها
*****
الليل الطـويل شايل خـيامــوكسـاها
صافـي الجـمــال إستأذنا وضمــاها
تجهرللعيون ساعة تفـرو ثناها
نص القـمـــر يشـبه جـبينا الضـاها
*****
الخلق العيون قص الرموش واساها
تنقص القلوب بي سيف عفافا وجاها
لونضمت تقول كلمات لذيذ معناها
زي عسل النحل اصلو العسل من فاها
*****
مابيسلم يمين ناظر عيونا وفاها
تحصلو المصايب والمحن والعاهة
الجيد النضير زايد جمالا وجاها
علي قمر السماء بيها الأرض تتباها
*****
مابتمشي العجل تمشي وجنودا وراها
مملكة الجمال ترهب جنودا وشاها
مابجيدالوصف مهما وصف شباها
إنعدم المثيل في الدنيا مافي اشباها
