عيون الصدق
لو ضاعت خيوط الشوق
وعصفت بالشراع احزان
يبقي عزانا في فرحــــــــــا
مسطر في ربا الاحلام
متين نتلم ..
نجبر الخاطر المكسور
نحك دمعا حبيس في العين
نقيف فوق راي نسد الدين
بنلقي الراح مع الازمان كتير وكتير
حلم لا انتم لا انفر ..
امل لا سم لا انشر
حديث وحديث كلاما شين
مساديرك تهش جواك
مواويلك طيور في الجو
غناويك في الدروب
بتسيل تبيت فوق قفاك بالقو
وتحلم والشبع جواك
وتصبح والزمن شن سو
عليك دربك
تسوقو عديل علي بالك
عليك حلمك مطر اكليل
يتاتيبك تشوف حالك
وحــــــــــالك زين
وحاتك ضمة مو بطال
مراويد الزنم كان جات
علي دربك يتلقي الفال
سريع فرح الليالي يعود
يفارق مطرحو المسدود
يطير في الجو ييصير رحلا
ماشانـــــــــــك عشان غيرك
رجوك بالبهجة والافراح
وشالوك زي رمش في العين
وفيك يضارو من اشباح
عشانك فرحو للدنيا
وطارو علي الامل بي جناح
هناك راجين متين ترجع
تعوض لي زمانا راح
أقيف من تاني راجع وشوف
ضباب الماضي والاتراح
عزابا فات وهمسا مات
فضل بس فيك قليبا صاح
وباقي اشتات مع املا
سنينو كتيرة ما انزاح
اقيف قاوم عشان غيرك
يعيش الدنيا يــــوم يرتاح
عشانك صرت بتصبر وأشد قواي وأتدبر
خطاوي القوة شان عينيــــك
وشان عينيك بتزكر
فواصل في الزمن ضاعت
وشان عينيك بتتكرر
وكل الضاع مع الايام
وكل الراح مع الاوهام
حيرجع وتنبت الاحلام
وتنمو مع الزمن واقع
ويبقي الواقع القدام
خطاي والشوق ودربي عليك
وهمسي وروحي في ايديك
نشيل الزاد عيون الصدق
غناي والكلمة تنساق ليك
نشيل الريد نضم الود
وكل الخير مجسم فيك
اكيد الخير مجسم فيك
