ماشي وين
برضو تسأل ماشي وين
ماشي في الزمن المحلق
اسكب الالم الدفين
ماشي للدرب البودر
همسي في جوف السنين
ماشي للهم البيرحل
في ضفاف الروح يبين
ماشي من دون اتجاه
وانت تسأل ماشي وين ..
مشي كايس للمواني
في محطات الحنين
شايل أحلامي وأنقب
بين شظايات الأنين
امكن ألقي ظلال ملامح
ترمي في الامل الامين
دون تباريح الظنون..
وانت تسأل ماشي وين ..
مشي كايس في الروابي
وفي مواكب الامسيات
ماشي كايس في المواني
في الرواويس والسمات
ماشي كايس في المرافئ
وفي الدريبات الرفات
ماشي كايس للحنين
وانت تسال ماشي وين ..
ماشي تايه وتاني
راجع لي عيونك نستكين
خليك في نفس المكان
اخر الطريق قرب يبين
بي وجودك وبي حضورك
انت يا ريدي المتين
مكتوبة امشي عاي خطاك
وانت تسال ماشي وين ..
